قصة حقيقية

موضوع: قصة حقيقية السبت أغسطس 11, 2007 1:00 pm

قصة حقيقة حصلت بالفعل

قصه حقيقيه حصلت بالفعل وممكن تحصل في اي بيت وبتحصل كل يوم

الافراد:
ام واب
بنت 20 سنه اسمها نور وولد 28 سنه اسمه مؤمن
المكان :
في اي حته من مصر وخلاص
النهار طلع والاب صحى من النوم اصحى يا نور اصحى ياام مؤمن الساعه 9 ترد نور بصوت موش طالع خالص (حاضر يابابا انا صحيت خلاص) تقوم نور من السرير موش شايفه اي حاجه وتنزل من السرير تكعبل و تقع تفتح عنيها وتقول خلاص انا كده صحيت قصة حقيقية Vava

تروح تحضر الفطار وهي مغمضه عين ومفتحه عين بتكمل نوم شويه كده سرقه قصة حقيقية Heat

تصحى فجأه على صوت باباها يابنتي اغسلي وشك الاول ماتعمليش حاجه من غير غسيل وشك ترد نور حاضر يابابا يكمل الاب كلامه المعلم صحي ولا لسه ترد نور وهي في الحمام لسه يابابا ياخد الاب ازازة الميه وراح لمؤمن باشا في اوضته ويصحى مؤمن على ميه مغرقه ودانه ووشه والمخده - معلش اصل الاب نظره ضعيف حبتين- قصة حقيقية Give_rose

تتلم الاسره الصغيره على الطبليه وبسأل الاب نور عندك كليه انهارده من كام ترد نور من 12 يابابا بكمل الاب الاسئله الصباحيه لغاية الساعه كام ومعاكي فلوس ولا لاه ترد نور عندي لغاية 8 يابابا وطبعا موش نعايا فلوس يابابا يرد الاب طبعا انتم وراكم حاجه غير هات هات هات
ترد ام مؤمن ربنا يخليك ليهم امال حايقولوا لمين بس قصة حقيقية Wub

ينزل الاب علشان يفتح المحل بتاعه وينادي على مؤمن خلص فطارك وحصلني يا معلم يرد مؤمن طبعا يابابا قصة حقيقية Gy0000

يسمع مؤمن صوت الباب من هنا ويجري على السرير
ويمر اليوم على البيت زي كل يوم البنت تروح الجامعه والاب والابن في المحل وام مؤمن بتخلص شغل البيت من طبيخ وتنظيف وغسيل واللاذي منه قصة حقيقية Cry

ترجع البنت الساعه 9 تلاقي مامتها قاعده مع واحد ست غريبه اول ما دخلت مامتها قالتلها سلمي على خالتك كريمه البنت تسلم وهي مستغرب قصة حقيقية Thnk0001

ه اول مره تشوفها وهم موش بيحبوا الزيارات ديه قصة حقيقية Gun

في ايه ومين الست ديه....................

تابعوها معى....

موضوع: رد: قصة حقيقية السبت أغسطس 11, 2007 1:22 pm

شوقتينا
ايه الى هيحصل ياهمس الليل

مستنين الباقي

مدير عدد الرسائل : 74 تاريخ التسجيل : 05/08/2007

تسلم نور زي مامتها قالتلها ازيك يا طنط لكن تحس بعدم ارتياح للست ديهليها نظرات غريبه كده عماله تقبل في البنت بعنيها لابسه ايه في ايدها كل دهب يابت المحظوظه ده انتي لسه ماطلعتيش من البيضه وانا اللي اسمي نتجوزه مرتين قبل كده ماحتكمش غير على خاتم واحد يالله رزق الهبل
نور تفضل مراقبه الست كريمه من تحت لتحت وتقرا اللي في عنيها يرجع الاب هو ومؤمن من الشغل ويبدأ الحديث اللي بيوضح للعيال مين الست ديه
الام تبدأ تسترجع بالذاكره لورا من حوالي 30 سنه لما نزلوا القاهره هي والحاج ابو مؤمن وكانوا عايشين في دار السلام جيران للست كريمه في نفس البيت وكان الاب عامل في مصنع وفضلوا جيران للست كريمه 8 سنين وبعدين غيروا السكن وربنا فتحها عليهم وفتحوا المحل بتاع الاجهزه الكهربائيه وبنوا بيت ليهم وخلفوا نور هانم بنت العز
يكمل الاب الكلام ويحكي ازاي انه قابل كريمه بالصدفه كانت جايه لناس قاريبها وعرفته وماصدق انه قابلها وراح جايبها على البيت علشان ام مؤمن حاتفرح اوي بيها
وحاكالها على الكام سنه اللي عدوا دول ازاي ام مؤمن جالها ورم في المخ وعملت عمليه لكن محتاجه لعمليه تانيه بس خايفين عليها (خبطتين في الراس توجع) وازي هو عدى من سرطان الدم اللي جاله وايام العلاج الكيماوي وربنا رد فيه الروح من تاني
وبين كل كلمه والتانيه ترن ضحكة الست كريمه مجلجله ومدروسه يتنرفز مؤمن ويقول انا رايح انام ونور تكمل وانا تعبانه وعندي حاجات لازم اخلصها علشان الوقت اتأخر وترمي بالكلام على الست كريمه
يشخط الاب فيهم اقعد يابو النوم خلاص يعني النوم حايطير وانتي يا ست نور حبكت انهارده خليكوا قاعدين
مؤمن يبص لنور ويقول انا حاقعد ادخلي انتي يانور خلصي اللي وراكي
ويبص للست من فوق لتحت وهي ناقره نور من طراطيف شعرها لظوافر رجليها وتكمل الهره اللي غيرت حال البيت كله..........

مدير عدد الرسائل : 74 تاريخ التسجيل : 05/08/2007

اية يا جماعة محدش قرا الباقى ولا اية .....يعنى مش عايزننى اكمل؟؟؟؟على العموم انا هكتب الجزء الثالث ولو حبيتوا انى اكمل احب اسمع تعلقاتكم .....وشكرا

مدير عدد الرسائل : 74 تاريخ التسجيل : 05/08/2007

3___

تاني يوم يصحى الاب الساعه 9 ونص يلاقي الفطار جاهز وينادي يا نور ام مؤمن ترد نور عندها كليه من الساعه 8 نزلت من بدري يرد الاب والمعلم لسه نايم لغاية دلوقتي ترد الام لاه ده نزل فتح المحل في ناس كانوا عاوزين حاجات وجم رنوا الجرس يرد الاب ليه الساعه كام دلوقتي ترد الام بقت 10 الا ربع اصلنا سهرنا كتير مع كريمه والله كانت وحشانا قصة حقيقية Friends

الاب بلهجة تريقه وعيالك موش طايقينها ,,,ليه كده,, علشان غلبانه يعني قصة حقيقية Dntknw

حرام عليهم
ترد الام امال مين قرايبها دول اللي كانت عندهم هنا وجايلهم المقطم مخصوص يرد الاب وهو بيكمل فطاره ياستي كانت متجوزه واحد وخلفت منه بنتين وولد ولما الراجل ده مات اهله موش عاوزين يدوها حقها هي وعيالها فجت لهم تقولهم لكن لما لاقوها بطولها ولا معاها راجل ولا غيره مارضوش حتى وانا بوصلها امبارح اتفقت معاها اني حارحلهم واسطة خير ده حتى حرام اكل مال اليتيم ودول غلابه ولما تيجي بنتك فهميها انه حرام عليها تعامل الناس من غير ماتعرفهم كده وانا رايح للمعدول المحل وماتنسيش تتصلي بحماته علشان يحددوا معاد الفرح خلينا نرتاح من واحد قصة حقيقية Warning

ترجع نور الساعه 1 ومامتها في المطبخ ترمي الشنطه والكتب على الكنبه وتدخل تلعب في الحلل ماما انا جعانه قوي ماعندكيش حاجه كده تتاكل على السريع علشان تازله كمان شويه
مامتها ردت عليها باستغراب فيه لهجة ترجي رايحه فين كده انشاء الله بقولك ايه خالتك كريمه حاتتغدى عندنا انهارده وانا عاوزاكي تبقى جنبي انتي عارفه اني ببقى مبسوطه بيكي وانتي جنبي
نور تعقد حواجبها ويركبها العصبي قصة حقيقية Thnk0001

ايه موضوع الست ديه بالظبط واحنا من امتى بندخل حد بيتنا ماما انا موش مرتاحه للست ديه خالص!!! تطلع نور من المطبخ ومامتها وراها بصي يا نور ماتحكميش على حد منغير ماتعرفيه ده الست ديه غلبانه حتى اهل جوزها........ وتحكي الام الحدوته من طق طق لسلامو عليكم تسكت نور شويه وتقول ياما في ا لحبس مظاليم ياماما بس برضه ماتدخلش وتطلع عمال على بطال انتي نسيتي نصايحك ليه قصة حقيقية Close_tema

ان صاحبتي تبقى بره البيت وخلاص ترد الام طيب تخلص مصلحتها وبعد كده من بره بره
تسكت نور وهي من جواها عماله تغني حاسس بمصيبه جياللي..........

موضوع: رد: قصة حقيقية السبت أغسطس 18, 2007 1:27 pm

ارجوك كمل شكلها قصه جميله Sad

مدير عدد الرسائل : 74 تاريخ التسجيل : 05/08/2007

مرسى لمتابعتك للقصة ......واتمنى اعرف رايك فيها ...واهلا بيكى فى منتداكى همس الليل

مدير عدد الرسائل : 74 تاريخ التسجيل : 05/08/2007

(4)

نور بصوت عالي ماما حاتحطي الاكل على الطبليه ولا في السفره , الام ترد بنص ضحكه على الطبليه يا نور ديه موش غريبه ويرن الجرس تجري نور على صوت الاب على الباب افتحي يا نور تفتح نور تلاقي باباها مع كريمه على الباب وتتقلب الضحكه لنظرة ازبهلال قصة حقيقية Heat

وتلم نفسها من حالة الازبهلال بسرعه وتقولها ازيك يا طنط, ترد كريمه ومعاها بنت في سن ال12 سنه كده ازيك انتي يا حبيبتي ادخلي يا مروه سلمي على اختك نور , نور تبحلق بطريقه مزبهله قصة حقيقية Mr47_01

برضه تكمل كريمه وتقول لنور سلمي على مروه يانور ده زي اختك الصغيره تقفل نور الباب وهي تقول لنفسها الحمد لله ماعنديش اخوات صغيريين ربنا يخليك ليه يا مؤمن وبس
تدخل الست كريمه وتقعد على الكنبه في نص قعده ممده حبتين كده على الكنبه اصل المشوار من دار السلام للمقطم جامد حبتين قصة حقيقية Huh

نور عماله تتأمل في كريمه من تحت لتحت وهي بترص الاكل فيها حاجه غريبه كريمه انهارده ايه يا ترى,,,,
تدخل الام وتسلم على كريمه ازيك يا كريمه قصة حقيقية Give_rose

ايه الحلاوه ديه حطه احمر واخضر والوانات اكتر من اللي في الشقه ترد كريمه اهو تغيير بقه
طيب انزلي يالله كلي ويرد الحاج ابو مؤمن انزلي ياختي انتي محتاجه عزومه
تقعد كريمه على يمين الحاج قصة حقيقية Shutup22

ونور على شماله والام متوسطه كريمه نور قصة حقيقية Huh

ويدخل مؤمن من بره سلامو عليكم يا جماعه ازيك يا خالتي عامله ايه ياماما انهارده ويحاول يقعد بي مامته ونور يلاقي كريمه ممده رجليها تقوله معلش يا بني اصل المشوار كان طويل قصة حقيقية Dance

وطول السكه وانا مقرفسه يرد مؤمن ولا يهمك يا طنط قصة حقيقية Mr47_01

واثناء الاكل يدور الحديث عن تفاصيل المشوار بتاع انهارده واللي متفق ابو مؤمن عليه مع كريمه لارجاع حقها الضائع وتسأل كريمه مؤمن امال حاتعمل فرحك امتى يا مؤمن يزبهل مؤمن هو كمان وايش عرف كريمه انه بيحدد معاد فرحه دلوقتي
يرد مؤمن قريب يا طنط قصة حقيقية Beee

ويخرج الاب مع كريمه ويبص مؤمن لنور وتيجي نور قبل ماتنطق حرف واحد مؤمن يقولها بالليل يا نور ماتقلقيش
وينادي على امه في المطبخ يا ماما انا ماشي راجع المحل عاوزه حاجه ترد الام سلامتك يا نور عيني ربنا يسهلك يابني ويبعد عنكم ولا الحرام
ويمر يوم تاني على البيت في انتظار اجتماع قمه في المساء لمناقشة الظروف الطارئه واحتمال وقوع هجوم مدبر على البيت قصة حقيقية Budo

وفي المساء ينتظر مؤمن ونور عودة الاب من المشوار اياه علشان المؤتمر اللي ناوي عليه مؤمن قصة حقيقية Bud

والام ماعندهاش خبر بحاجه ويرن الجرس يفتح مؤمن ويلاقي والده مع كريمه هانم ...........

مدير عدد الرسائل : 74 تاريخ التسجيل : 05/08/2007

(5)

في المساء ينتظر مؤمن ونور عودة الاب من المشوار اياه علشان المؤتمر اللي ناوي عليه مؤمن قصة حقيقية Bud

والام ماعندهاش خبر بحاجه ويرن الجرس يفتح مؤمن ويلاقي والده مع كريمه هانم ...........
ويدخل الاب هو وركريمه هانم وبنتها المصون ويقولهم خلاص الراجل عم الولاد والفق على انه يدي كريمه شهريه لغاية مايدبر حقهم في الفرن والبيت (اصل الفرن والبيت بتاع جوز كريمه كان شركه مع اخوه)
ترد الام يارب يا مسهل قصة حقيقية Huh

وبعدين ربنا مايرضاش بالظلم
بعد شويه تستأذن كريمه وتسيب العائله لمناقشه حاميه يقوم مؤمن يقول لوالده بابا بقولك ايه الست ديه موش مظبوطه وانا موش عاوزها تدخل بيتنا تاني يبصله ابوه والشرر حايطلع من عينه قصة حقيقية Gun

بيت ايه ياابو بيت انت لما ابقى اموت ابقى قول مين يدخل ومين لاه لكن طول مانا عايش مالكش دعوه بالبيت تاكل وتنام وبس انت فاهم
يرد مؤمن لاه موش فاهم طبعا انا خايف على اختي نور من الاشكال ديه وكلها يومين واتجوز ومراتي تيجي البيت وبرضه مرضاش انها تعرف الاشكال ديه
يرد الاب وهو ناوي يقوم لمؤمن بقولك ايه الله يرحم ايام ما ابوك كان شغال بتلاته جنيه في الشهر طب نور نقول ماشي ماشفتش الايام ديه لكن انت ابن السوق تقول كده حرام عليكوا انا ولا ربيت ولا كبرت قصة حقيقية Budo

موش دول عيالي اللي فضلت 30 سنه اربيهم
ويدخل الجميع للنوم وتنام الام وهي بتقول لنفسها مشكله وبكره الصبح كله يبقى تمام وتدخل نور لمؤمن وتقعد تتكلم معاه مؤمن انت شايف اللي انا شايفاه وفاهم الست ديه زي ماانا فاهماها يرد مؤمن والله يا نور ابوكي موش صغير وهو ادارى بعاميله وممكن نكون احنا ظالمين الست ديه على العموم انا عاوزك تبهي لمذاكرتك وتخلصي السنه ديه بأي شكل وتعرفي ان مفيش حاجه حاتنفع غير شهادتك خليها دايما قدام عينك اما الست ديه ليها روقه ويرن جرس التليفون ويرد مؤمن ايوه يا ياسمين معلش يا حبيبتي تخرج نور من الاوضه رايحه لاوضتها علشان تنام ويكمل مؤمن مكالمته اليوميه الليليه وفي النهايه يتفق انه هو وياسمين يروحوا يتفرجوا على قاعات الافراح يوم الجمعه علشان الفرح........ قصة حقيقية P30

عضو نشط عدد الرسائل : 16 تاريخ التسجيل : 16/08/2007

كمل يا همس الليل القصه جميله وارجوك مش عنت تشوق البرنسيسه الاء I love you

مدير عدد الرسائل : 74 تاريخ التسجيل : 05/08/2007

(6)

ويرن جرس التليفون ويرد مؤمن ايوه يا ياسمين معلش يا حبيبتي تخرج نور من الاوضه رايحه لاوضتها علشان تنام ويكمل مؤمن مكالمته اليوميه الليليه وفي النهايه يتفق انه هو وياسمين يروحوا يتفرجوا على قاعات الافراح يوم الجمعه علشان الفرح........ قصة حقيقية P30

يوم الجمعه هو معاد الاجازه الاسبوعيه للمحل راح ابو مؤمن للدكتور اللي بيتابع عنده ومؤمن راح مع خطيبته لحجز القاعه ونور وامها في البيت قصة حقيقية Friends

مؤمن وياسمين بيتمشوا في مصر الجديده اتنين مخطوبيين والايد في الايد تاته تاته وعماليين يتريقوا على خلق الله شايفه الست اللي معاها 3 عيال وبتدور على تاكسي اتخيلي لو انتي ده يا ياسمين ترد يا سمين لاه اعمل حسابك انهم 2 وبس وكمان حايكونوا غلطه انت تشيل واحد وانا واحد يقولها طب بصي على الاتنين العواجيز دول شوفي لما نكبر حنفضل نحب في بعض كده قصة حقيقية Friends

ترد ياسمين بكل رومانسيه وانت عندك شك اني حافضل احبك لغاية مايبقى عندي 100 سنه قصة حقيقية Old

ويقربوا من الاتنين العواجيز يفاجأ مؤمن انه يعرف الاتنين دول طبعا ابو مؤمن والست كريمه قصة حقيقية Thnk0001

مؤمن يعمل ماخدش باله ويقول لياسمين حبيبة قلبي استنيني قدام المول حاجيب سجاير واحصلك ترد ياسمين تعالى هتها من المول يقولها روحي بس
ويرجع للاتنين العشاق ويكلم والده ازيك يا حاج عملت ايه عند الدكتور يفاجأ ابو مؤمن بمؤمن في وشه راح شايل ايد كريمه من تحت باطه ومايتكلمش ولا نص كلمه وياخد مؤمن نفسه ويرجع لياسمين عند المول
ويحدد معاد الفرح في شهر 6 بعد انتهاء نور من الامتحانات وبعد انتهائه من موضوع الست كريمه وقعد يفكر ازاي يقطع رجلالست ديه من البيت وازاي يخلي مامته تهتم شويه بالدنيا اللي حاوليها وتبطل السذاجه ديه واصلا موش لازم امه تعرف بأي حاجه من ديه ............

يروح مؤمن البيت يلاقي والدته ونور قاعدين قدام التليفزيون سلاموا عليكم يا جماعه عاميلن ايه ترد الام وعليكم السلام يا حبيبي قومي يانور حضري لاخوكي العشا يرد مؤمن انا اكلت سندوتشات مع يا سمين يا ماما وحاروح انام علشان تعبان من اللف طول النهار على فكره يا نور انا خليت ميعاد الفرح بعد امتحاناتك في اخر 6 ان شاء الله تقوم نور تحضن اخوها الف مبروك يا اخويا يا حبيبي ربنا يخليك ليه يدخل مؤمن اوضته ويكلم ياسمين في التليفون وياسمين تسأله مين اللي كانت مع باباك ديه يا مؤمن يسكت مؤمن فتره وهو مستغرب ده ماكانش باين خالص ان ياسمين شافت حاجه بعد شويه ياسمين كررت السؤال تاني وقالتله حبيبي انت بتحسب انا ماخدتش باللي ولا ان نظري ضعيف انا عملت نفسي موش شايفه حاجه على امل انك كمان ماتشوفش لكن لما رجعتلهم تاني يبقى انت عارف مين ديه... يرد مؤمن ديه مصيبه من مصايب الزمن اللي ربنا ابتلانا بيها لكن انا كفيل بيها ماتشغليش مخك انتي المهم احلى حاجه انهارده اننا حددنا معاد الفرح... يدخلالاب من بره ويسأل على مؤمن ويدخله اوضته مؤمن انا كنت عاوز اقولك على حاجه مؤمن ايه يابابا يسكت الاب وكأنه رجه 50 سنه لورا وواقف قدام والده ويستمر السكوت فتره لغاية ما يسأله مؤمن انا عاوز اعرف حاجه واحده انت متجوز الست ديه؟؟؟؟؟؟؟؟؟؟؟؟

موضوع: رد: قصة حقيقية السبت أغسطس 25, 2007 11:45 pm

جامدة أوي أنا بجد عايزة أعرف نهايتها أيه

موضوع: رد: قصة حقيقية الخميس أغسطس 30, 2007 8:55 am

بليييييييييييييييييز كمليها عايزة اعرف ايه اللي النهاية Laughing

موضوع: رد: قصة حقيقية الجمعة أغسطس 31, 2007 6:32 am

يارب تكمليها يا همس

مدير عدد الرسائل : 74 تاريخ التسجيل : 05/08/2007

7

[/size]

يسأله مؤمن انا عاوز اعرف حاجه واحده انت متجوز الست ديه؟؟؟؟؟؟؟؟؟؟؟؟
يرد الاب بدهشه لاه طبعا وعمري ماحتجوز على امك ديه الست الوحيده اللي انا بحبها في الدنيا يرد مؤمن امال ايه يابابا ايه اللي بيحصل ده ويبكي مؤمن بين ايدين ابوه بابا لو بتحب ماما بجد وبتحب نور وبتحبني وخايف على البيت ده ارجوك الست ديه ماتدخلش بيتنا تاني ولا يبقى ليها اي دعوه بينا خالص الست ديه كده شكلها موش مظبوط وانت عندك زوجه وبنت واحنا طول النهار بعيد عنهم وحايزيد عليم واحده كمان ولو فرضنا ان الست كريمه ماقدرتش تعملهم حاجه الناس اللي تعرفها كويس موش حاتسيبهم في حالهم علشان خاطري يابابا انا موش عاوزهم يتبهدلوا بسببنا المفروض احنا اللي نحافظ عليهم وينتهي اليوم بجلسة ود بين مؤمن والحاج ابو مؤمن يبارك فيها ابو مؤمن على الجواز ومؤمن ينام ويرتاح انه اتخلص من كابوس على صدره وتمر الايام والاشهر في استعداد للفرح وتجهيز شقة الزوجيه الخاصه بمؤمن والموجوده في نفس البيت مع اهل مؤمن ويزيد حزن ام مؤمن يوم بعد يوم على فراق ابنهت من حضنها قصة حقيقية Dntknw

لكن ماباليد حيله
ويتم الزفاف والافراح والليالي الملاح قصة حقيقية P30

وعقبال نور يا ام مؤمن وام مؤمن الحزن مالي قلبها لفراق فلذة كبدها قصة حقيقية Cry

ويرجع مؤمن للشغل بعد الفرح باسبوعين ويستقر الحال على ان مؤمن يتغدى ويقي يةمه في شقة ام مؤمن ويطلع شقته على النوم وبس وام مؤمن نظرها بيضعف يوم ورا يوم وراجعوا للاطباء اللي قالوا انها حاتفقد نظر عينها الشمال بالتدريج لو ماتعملتش العمليه التانيه ولو عملت العمليه حاتصاب بشلل في الجنب الايمن علشان الورم متمكن من مراكز الحركه والنطق ....
وتخاف الام من العمليه لكن ابو مؤمن يمنها ويقولها احسن مايضيع منها نور عنيها وتدخل ام مؤمن المستشفى لاجراء جراحة في المخ قصة حقيقية Hlp

مدير عدد الرسائل : 74 تاريخ التسجيل : 05/08/2007

اسفة واله يا جماعة انا عارفة انى اتاخرت عليكم فى الحكاية وعلشان كدا انا هكتبها كلها واتمنى تنول رضاكم واعجابكم

مدير عدد الرسائل : 74 تاريخ التسجيل : 05/08/2007

تدخل ام مؤمن المستشفى لاجراء جراحة في المخ قصة حقيقية Hlp

ويستنى مؤمن وابو مؤمنفي الاوضه المخصصه لام مؤمن منتظريين انتهاء العمليه وبدأت العمليه الساعه 10 مساءا قعد ابو مؤمن على السرير وفضل يفتكر ال30 سنه اللي هي عمر زواجه من ام مؤمن وبفتكر الايام اللي كانوا موش بيلاقو غير العيش علشان ياكلوه ويفتكر ولادة مؤمن وولادة نور وحس بالندم على انه ممكن يكون السبب في موتها لو جرالها حاجه, حايفضل باصص لروحه طول حياته على انه قاتل ومجرم
اما مؤمن فضل رايح جاي بين الوضه وبين الطرقه اللي رايحه على العمليات وكأنه احمد بو خاطر في اغنية لسوف اعود يا أمي اتمنى انه يمنعهم من العمليه اتمنى انه كان قال لاه , حس انه عاوز يصرخ ويقول امي انا محتاجلك "وقلتى مقالة لازلت مذكرا بها دهري,,,, محال ان ترى صدرا احن عليك من صدري" ويجري مؤمن على ممرضه قاعده يطلب منها مصحف ويقغد يقرا في القرآن ويتمنى ان ربنا يغرله كل ذنوبه بس علشان يقبل دعائه ان يرد له امه من تاني
نور في البيت مابين التليفون والمصحف تتصل ببوالدها وبمؤمن تحاول تسمع اي حاجه اي خبر يطمنها لكن مفيش اي اخبار وياسمين تحاول تهديها بانها تنصحها بالقرأة في القرآن
والساعه 3 قبيل الفجر يخرج الاطباء يقولوا ان العمليه نجحت وتم استئصال الورم وتنقل ام مؤمن في العنايه المركزه لليوم التالي
ويرجع مؤمن ووالده للبيت وفي انتظارهم نور وياسمين ويتفقوا ان مؤمن حايروح المستشفى الصبح وابو مؤمن بعد الظهر
وفي اليوم التالي قابل مؤمن الدكتور اللي عمل العمليه وقاله ان والدته عندها شلل نصفي وديه نتيجه متوقعينها قبل العمليه لكن خلال 6 اشهر حاتستعيد قدرتها على المشي والكلام ويطمئن منه على حالة والدته ويستمر في قراءة القرآن وشكر الله عز وجل على استجابته لدعائه
وتستمر الايام وام مؤمن في العناية المركزة بدون اي تحسن وبعد اسبوع يرجع مؤمن البيت ويلاقي نور بتعيط بشده , فيه ايه يا نور ايه اللي حصل تسأله نور بصوت ضعيف الدكتور قالك ايه على ماما قالك انها حاتموت
لاه يا بنتي ده طمني بس احنا محتاجيين وقت موش اكتر ادعيلها انتي
,امال بابا راح اشترى مدفن ليه انهارده وراجع مبسوط ويقول مدفن 3 تري يردوا الروح
, ماقليش انه حايعمل حاجه زي ديه وماما الحمد لله طول ماحالتها مستقره يبقى مفيش خوف على العموم انا حاكلمه وانتي اطمني ماما كلها كام يوم وتخرج من العنايه المركزه
ويرجع تاني مؤمن المستشفى ويواجه والده هو ناوي على ايه قصة حقيقية Gun

يدخل مؤمن المستشفى موش شايف حاجه قدامه ولا حاسس هو طلع السلم ازاي كل اللي كان بيفكر فيه انه يشوف والده ويعرف منه هو عاوز ايه بالظبط ويلاقي والده في مكتب الحسابات ينادي عليه بابا من فضلك ثواني عاوزك يخرج ابو مؤمن بره المكتب .. نعم يا مؤمن ايه اللي رجعك تاني
انت اشتريت مدفن انهارده
ايوه افرض لو حصل اي حاجه لا قدر الله نقعد ندور على حته ندفن انمك فيها لازم يكون في حد بيفكر بعقله فينا
كان فين العقل ده لما صممت انها تعمل العمليه والدكاتره بيقولوا انها حاتبقى كويسه مستعجل على ايه وناوي على ايه حرام عليك اللي انت بتعمله فينا ده
ويبعد مؤمن والده عن طريقه بايديه الاتنين ومشي ويقف ابو مؤمن يفكر يا ترى انا غلطت فعلا لما خليت ام العيال تعمل العمليه ؟؟ على العموم اللي حصل حصل وان شاء الله حاتبقى كويس لكن لو قدر الله جرى حاجه حاكون مجرد سبب
ويمر شهر وتخرج ام مؤمن من العنايه المركزه وتنتقل لغرفه عاديه في المستشفى وبعد اسبوعين تخرج من المستشفى وترجع لبيتها اللي عمرها مابعدت عنه كل المده ديه
وتستمر رحلة العلاج الطبيعي اللي بدأت فيها من بعد العمليه مباشرة ويحس ابو مؤمن انه فقد حب واحترام اولاده اللي فضل يربي فيهم 30 سنه ويحاول يتقرب منهم لكن في حاجه اتشرخت بينهم ويحاول شويه مع نور حبيبتي روحي نامي وانا اقعد مكانك مع ماما انتي سهرانه معاها طول الليل ترد نور انا بكون مبسوطه وانا جنبها نفسي افضل تحت رجلها على طول
يروح لمؤمن ايه رائيك يا مؤمن نجيبلها حد تاني للغلاج الطبيعي يرد مؤمن الدكتور اللي هي متابعه معاه كويس والممرضه اللي بتجيلها هي مرتاحه معاهم ويمر يوم وراه يوم وتنجب ياسمين اول احفاد في البيت الحزين ده تؤم من الاولاد زي القمر يتعلق بيهم جدهم وجدتهم وكأن القدر بيحاول يرجع البيت كما كان من تاني وفي يوم جمعه يصحى ابو مؤمن الصبح ويروح يعاكس ام مؤمن شويه لكنها تدور وشها عنه راح لنور قالها قولي لماماتك اني زعلان منها علشان كل مااكلمها تدور وشها ترد نور حاضر يابابا وينزل الي مشواره اليومي للمحل وقبل صلاة الجمعه يرجع يقول لنور انا تعبان شويه حانام وصحيني ساعة الصلاة ترجع له نور ساعة الصلاة وتصحيه يقولها انا حاكل نوم شويه وترجع تاني تصحيه للغدا يقولها قيسي لي الضغط انا حاسس ان عندي هبوط
وتتصل بمؤمن الحقني يا مؤمن بابا تعبان موش قادر يقف على رجله ويرجع مؤمن معاه دكتور اللي يقولهم والدكم لازم يتنقل المستشفى حالا
وينقل مؤمن بمساعدة محمد اخو ياسمين والده للمستشفى وفي اول دخلو ليهم المستشفىتتقلب المستشفى خلية نحل وتجري للعناية المركزه ويتم تشخيص الحاله بانها جلطه في الرئه تمنع وصول الدم للقلب......

8